ឧត្តរមានជ័យ៖ ការពង្រឹងសមត្ថភាព វិន័យ និងការបណ្តុះបណ្តាលជំនាញបច្ចេកទេសការពារសន្តិសុខដល់កម្លាំងប្រជាការពារ គឺជាកត្តាគន្លឹះដ៏សំខាន់ ក្នុងការចូលរួមចំណែកថែរក្សាសន្តិសុខ សណ្តាប់ធ្នាប់សាធារណៈ និងជំរុញការអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព នៅថ្នាក់មូលដ្ឋានឱ្យកាន់តែមានប្រសិទ្ធភាពខ្ពស់ នាព្រឹកថ្ងៃព្រហស្បតិ៍ ២កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកក្កដា ឆ្នាំ២០២៦ លោក ផុន ចាន់និល អភិបាល នៃគណៈអភិបាលក្រុងសំរោង។

ក្នុងពិធីបើកវគ្គហ្វឹកហ្វឺនបម្រើការពារប្រយុទ្ធ ដល់ប្រជាការពារនេះដែរធ្វើឡើងក្រោមអធិបតីភាពដ៏ខ្ពង់ខ្ពស់របស់ លោក ហោ ជិនវីរៈយុទ្ធ អភិបាលរង នៃគណៈអភិបាលខេត្ត និងជាប្រធានលេខាធិការដ្ឋានគណៈបញ្ជាការឯកភាពរដ្ឋបាលខេត្តឧត្តរមានជ័យ។

​វគ្គហ្វឹកហ្វឺនបច្ចេកទេសសន្តិសុខនាព្រឹកនេះ មានការអញ្ជើញចូលរួមពីសំណាក់ ថ្នាក់ដឹកនាំកងកម្លាំងប្រដាប់អាវុធ អាជ្ញាធរមូលដ្ឋាន ព្រមទាំងបងប្អូនប្រជាការពារ សរុបចំនួន ១៩០ នាក់ ដែលអញ្ជើញមកពីភូមិសាស្ត្រឃុំគោកមន និងឃុំគោកខ្ពស់ ក្នុងគោលបំណងពង្រឹងកម្លាំង រំលឹកមេរៀន និងបំប៉នជំនាញការពារខ្លួន ការយាមល្បាត ការសហការក្ដាប់ព័ត៌មានបទល្មើស ដើមី្បបង្កើនសមត្ថភាពម្ចាស់ការដល់កម្លាំងប្រជាការពារ ក្នុងការជួយសម្របសម្រួលសន្តិសុខ និងសុវត្ថិភាពជូនបងប្អូនប្រជាពលរដ្ឋនៅក្នុងសហគមន៍ផ្ទាល់ ឱ្យកាន់តែរឹងមាំទ្វេឡើង លោកអភិបាលស្រុកបន្ទាយអំពិលបានបញ្ជាក់ថា នេះហើយជាផែនការ ១១១១ នាក់សម្រាប់ស្រុកបន្ទាយអំពិលដើម្បីឲ្យគ្រប់ចំនួននៅក្នុងគោលការណ៍ដែលបានសម្រេច។( ដោយឈឿន ប៊ុនឈី )