បាត់ដំបង: តាមប្រភពព័ត៌មានពីអាជ្ញាធរមូលដ្ឋានកាលពីវេលាម៉ោងជាង ៤ ទាបភ្លឺ ឈានចូលថ្ងៃទី ២២ ខែមិថុនា ឆ្នាំ ២០២៦ នេះ កម្លាំងសមត្ថកិច្ចចម្រុះបានសហការគ្នា បង្ក្រាបករណីដឹកជញ្ជូនបារីបម្រុងឆ្លងដែនខុសច្បាប់មួយកន្លែង ស្ថិតក្នុងភូមិចំការត្រប់ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។

​អាជ្ញាធរមូលដ្ឋានបានឱ្យដឹងទៀតថា ប្រតិបត្តិការចុះបង្ក្រាបរថយន្តដឹកទំនិញគេចពន្ធនេះ ធ្វើឡើងដោយមានការចូលរួមសហការពី៖
​កម្លាំងនគរបាលនៃអធិការដ្ឋានស្រុកភ្នំព្រឹក
​កម្លាំងយោធាវីរៈសេនាតូចលេខ ៥៥១
​កម្លាំងនគរបាលវីរៈសេនាតូចការពារព្រំដែនគោកលេខ ៨១៧​ក្រុមល្មើសចាក់សោរថយន្តជាប់រត់គេចខ្លួន សមត្ថកិច្ចហៅជាងធ្វើសោរមកឆ្កឹះបើកឃើញសុទ្ធតែបារី។នៅពេលដែលកម្លាំងសមត្ថកិច្ចចម្រុះបានពង្រាយកម្លាំងចុះទៅដល់ទីតាំងកើតហេតុ ក្រុមជនល្មើសដែលជាឈ្មួញខុសច្បាប់បម្រុងនាំបារីទាំងនេះឆ្លងដែនទៅប្រទេសថៃ ដឹងខ្លួនទាន់ក៏បានរត់គេចខ្លួនបាត់ស្រមោល ដោយបន្សល់ទុកតែរថយន្តល្មើសអ្វីដែលធ្វើឱ្យសមត្ថកិច្ចជួបការលំបាកបន្តិចនោះគឺ ក្រុមជនល្មើសបានចាក់សោរថយន្តជាប់ពីខាងក្រៅ រួចរត់គេចខ្លួនបាត់ ដែលបង្ខំឱ្យសមត្ថកិច្ចជំនាញត្រូវទាក់ទងហៅជាងចាក់សោរ ដើម្បីមកធ្វើសោរចម្លងទើបអាចបើកបរ និងនាំយករថយន្តល្មើសនោះមក រក្សាទុកជាបណ្តោះអាសន្នបាន។
​ជាលទ្ធផលនៃការត្រួតពិនិត្យ ឡាន និងទំនិញដែលដកហូតបានរួមមាន៖
​បារីគេចពន្ធ៖ ជិត ១០០ ប៊ិច
​រថយន្ត៖ ០១ គ្រឿង ម៉ាក Toyota HiAce ពណ៌ស ពាក់ស្លាកលេខ ភ្នំពេញ 2AD-4463
​ការបែងចែករក្សាទុកវត្ថុតាងជាបណ្តោះអាសន្ន៖
​កម្លាំងនគរបាលវីរៈសេនាតូចការពារព្រំដែនគោកលេខ ៨១៧៖ យកទៅរក្សាទុកចំនួន ២២ ប៊ិច។
​កម្លាំងនគរបាលនៃអធិការដ្ឋានស្រុកភ្នំព្រឹក៖ យកទៅរក្សាទុកចំនួន ៤៦ ប៊ិច រួមទាំងរថយន្ត ០១ គ្រឿងខាងលើ។
​មហាជនដាក់ការសង្ស័យ៖ តើជាខ្សែស្រឡាយ ឬជាបណ្តាញសមត្ថកិច្ចខ្លួនឯង?
​ជុំវិញករណីបង្ក្រាបនេះ បានធ្វើឱ្យមានការជែកដេញដោល និងដាក់ការសង្ស័យយ៉ាងខ្លាំងពីសំណាក់មហាជនថា «តើក្រុមនាយឈ្មួញថ្លើមធំដែលនៅពីក្រោយខ្នងនៃការជួញដូរបារីគេចពន្ធនេះជានរណា?»។

​មហាជនជាច្រើនបានលើកឡើងថា មានតែក្រុមអ្នកមានខ្នងបង្អែកក្រាស់ គាំទ្រដោយខ្សែស្រឡាយ ឬជាបណ្តាញរបស់សមត្ថកិច្ចខ្លួនឯងប៉ុណ្ណោះ ទើបបានជាមានភាពក្លាហាន ហ៊ានធ្វើសកម្មភាពដឹកជញ្ជូនទំនិញគេចពន្ធទ្រង់ទ្រាយធំបែបនេះ ឆ្លងកាត់ភ្នែកសមត្ថកិច្ចជាច្រើនដំណាក់កាល រហូតប៊ិះនឹងឆ្លងដែនទៅប្រទេសថៃទៅហើយ។ សកម្មភាពបែបនេះ ហាក់បីដូចជាកំពុងតែផ្គើនទៅនឹងអនុសាសន៍ និងបទបញ្ជាដ៏ម៉ឺងម៉ាត់របស់ថ្នាក់ដឹកនាំ ដែលតែងតែក្រើនរំលឹក និងដាក់វិធានការក្តៅក្នុងការទប់ស្កាត់រាល់បទល្មើសគេចពន្ធ និងបទល្មើសឆ្លងដែនខុសច្បាប់គ្រប់ប្រភេទ។
​បច្ចុប្បន្ន ករណីនេះកំពុងស្ថិតក្នុងចំណាត់ការបន្តតាមនីតិវិធីយ៉ាងតឹងរ៉ឹង។ មហាជនកំពុងរង់ចាំមើលថា តើសមត្ថកិច្ចជំនាញនឹងអាចវែកមុខរកឃើញមេខ្លោងពិតប្រាកដ ឬខ្សែ ស្រឡាយអ្នកកាងនៅពីក្រោយខ្នងរឿងនេះដែរឬយ៉ាងណា?..។ យើងនឹងធ្វើបច្ចុប្បន្នភាពព័ត៌មានបន្ថែមទៀត ប្រសិនបើមានការបំភ្លឺជាផ្លូវការណាមួយពីសមត្ថកិច្ចជំនាញ។(គឹម សាន់នី)
​